ميـــــــــــــــــــــــــــــــــــــــــــــــــــشو
یازار : آياز
+0 به یه ن
گزير ايلهاميم عيان بير اوجا يولداش هاواسيندا
فيكره ايسير جوما يولداش ساچينين آغ قاراسيندا
سالا دوشلرده دوشرگه(1) اوتورا مرس ماراسيندا
آچيلا سوزايكي يولداش آرارسيندا
اونه يولداش كي جانيم اوندا گيروودي
او نه يولداش كي باشي قاردي قيرودي
اونه يولداش دئمه سم تانيرسيز
داغلي ميشوودي
اي ارنلر داغي داغلار داغي اي داغلي ميشو
ائلينه باغلي ميشو
گوونيرائل سنه سنده ائليوه سئوگيلي سن
اتگينده كيم اولا مين ديله ايله دينديريسن
ميللتين وارليغيني گئچميشيني سن بيليسن
ائل اوزون گولدوروسن
نئچه دئوريملر اولوب سنده نئچه حاديثه لر
آي نه لر اولدو نه لر
گيلگميش داستانينا باخساق آدين اوردا گلر
مينلر ايل بوندان ازل قفله قاطيرلار دوه لر
اوتراق ائيلراتگينده دايانيب دينجه للر
يولچولار چشمه لريندن اييلر سو ايچه لر
نئچه كروانسرالار قوردو شاه عباس بو يولا
كوچدولر قالماديلار گئتديلر شاهلار گئد ه لر
بو ايپك يوللارينين (2)گل گئدينه گوزسن اوزون
دوزومون چوخدي يئنه درد و غمه دوز سن اوزون
دوراسان سويلمه يه سينه دولو سوزسن اوزون
حتتا شاهيدسن اوزون منده چيخارديم باشيوا
آديمي حك ائلييرديم اوجا يئرده داشيوا
دوغرودور كي ياشيم اصلا يتيشنمز ياشيوا
من سنه خرداجا يولداش قولاق آس يولداشيوا
ده ميسن هاردا قاليب يولداشيوين يوخدو سسي
نيه له له سسي گلميرداغا دوشمور نفسي
بلكه اصلا كسيليبد ير يئر اوزوندن قره سي
گيلئيه گلمه ميشم گر گيلئيم اولسا بورا گلمزيديم
گوز آچاندان بو اوزه آ يريليقا دوزمزديم
آما بير سوز آراميزدا ايكيميز بيلمله لييك
من بونا مرد فلكي بيربئله ده بيلمزديم
سسيمي آل منه قايتاردوشونوم منده وارام
يئني ده ن بيرده بيليم من سنه ايستكلي يارام
سوزومو سويله مه يه سندن اوجا يوردوم هارام
سن سن آ رخام داياغيم سيغنا جاغيم(3)
اومودوم ائركيم اولان ائو اوجاقيم
ياخشي بيلدين اوره گيم درد ه دولوب
ساري رنگيم ساراليب هم ده سولوب
بوشلوياق غم كدري هر نه اولورسا دا اولوب
قوي هله قامتيوه بيرده باخيم دويما ميشام
گوز ياشيم اينديه جن سئل سو اولا قويماميشام
آ چيلارايندي اوره ك سنله دانيشسام بيليرم
دئميرم بيرده داها دوزمور اوره ك من اولورم
سيللي دئيميش اوزه بنزير اوزوم اما گولورم
يغيشيب هر نه گوزلليك بزييبدير اتگين
آچيرسان خلق اوره گين
نه چوخ آرين پتگين
داريشيب اوتلاماغا بوز اينگين
قوچ قوزون سود لو قويونلار گئچي لر
سورودن ساغمال اولانلار سئچيلر
نه شيرين ميوه لرين
دورد طرفدن ده جوشور دادلي شيرين چشمه لرين
ناز قرينج عشوه لرين
يام ياشيل ائشمه لرين
بوردا گوي قورشاغينا (4)حيران اولار رساملار
ماني گر گلسه بورا بوهتوده حيرتده قالار
سونرا گوسترجه سينين (5)مشقين آلار
چوخلي ديقت يتيرر بلكه بيرآز اوخشاتسين
شور و حال ال وئرر ايستر قلمين اويناتسين
يئره گويدن آتيلار رنگ جالانار
خوش اثرلر يارانار
گوزل آغ دونلو شلاله
قيزارير قيرميزي لاله
مني ده شاعيرائديب جومدوروسان فيكر و خياله
آغ چايين بورخولور هر داشدان آشير شاقيلدير
چولده چايداندا جوشور چاي چاغيرير پاقيلدير
دمله نن چول چايينين باشقا دادي وار داماغا
ايچ آقا چول چاييدي سويله ييريك بيز قوناغا
قار قيروولا قاريشير قيش وعده سينده
سوروشوراسكي گئدنلردوزنينده دره سينده
هره بير جور كيف ايلير مس ماراسيندا هرسينده
نه شيرين دادلي يئمكلر كوله سينده شله سينده
شانلي شهرتلي شرافتلي ايگيدلرتوردن
داغچيلار كمپي ويريبلار گئجه دن
سحر اولجاق دوزه ليرلر يولا داغ دئرماشالار
بلكه گون چيخمادان اول ياري يولدان آشالار
يول بلد داغچي داليندا نه آزيب نه چاشالار
گون ساچاندا يئته لر ذيرولره
ذيرولرده غلبه ماهنيلاريندان قوشالار
من ده مينديم خيالين مركبينه چاپديريرام
قيرآ تي هي لييرم هي كسيرم هي قيريرام
اولو بابك هارايين سانكي كوراوغلو ائشيدير
اوجا بير سس وئريرم سسلئرينه قيشقيريرام
چيخميشام زيروه لرينده ايشيق آلسين گوزومون تار ببه گي
دور اوزون دينله مني
اوره گيم چيرپينير آرتيق سسيني بيل گوزه ليم
سازاغا ده مني يولداش ائله سين من ده گليم
بولوتو قويما گئده بيرگه چيخاق داش باشينا
بوللو حورمتله باخاق زنگي داغي قارداشينا
بولوتا بيرده ده نن باغريوا باس گون ايشيغن
آلا كولگه ائله آل ايستي ليگين
ياغيشا دئ هله ليك گوزله مني نم نم ياغ
بركتدن النن داملا لارا باغليدي باغ
قوي نئجه ياغسادا ياغسين اوزو آغ
ياغيش اولما زسا سوسن لر سوزالار
پوسگورن چئشمه لرين دادلي سولاري آ زالار
ائلديريم قورخوسو وار منده مني تاپشير اونا
هله ليك قويما يانا
قويما اود ويرسين آلاو يانديرسين
قورخورام داغدا ويرا بير قارا گونلو چوبانا
ائو اوجاغي تالانا
دوغودا شانلي سهندين ساوالانلا اوز اوزه
چوكرم اوردا ديزه
ايلقاري وار ائلينه هر زادي اورگئتدي بيزه
اوجا اركين قاباقيندا دايانيب ستارخان
سسله نير ملتينه بركده دايان
گون ساچيب يايلانيب اوستن دور اويان
باتيد ا آغري داغي بويلاناراق باش اوجادير
قوجامان داغ قوجادير
شانلي عرفاده آتيللار اودا ابراهيميوي
اود سونور ويران اولور ظولمون ائوي
ديله گل بيرده ده نن تاريخيوي گئچميشيوي
گونئيينده عظمتله دايانيب اورمو گولو
يايليغي گوي بزييبدير بو چولو
بير درين گئچميشي واردي بو ائلين
بوائلين حورمتينه باغلا بئلين
يئله تاپشيرداراسين اينجه تئلين
سئله تاپشيرآخيردا گول يئنيشه سسلي سئلين
زهتاب اوغلون لا گرك سوز بير اولاق
بير اوجاقدا قيزيشاق كوز بير اولاق
معجوزون سوزلري سسله ندي اويان
شيخ محمود كيمي دور حقه اينان
آي يالان دونيا يالان
كيملري دوغدون اوزون بوغدون اويون بازدونيا
اوينوروق بيز نه ساياق سن چاليرسان سازدونيا
قوزئيه باخجاق اوره ك ياندي قارا باغ گورونور
اوه گيم پارچالانير واي قارا باغ تك بولونور
درد اليندن دويونور
دوشمنين چوخ سئونير
اما حق باشي آغيردير آلينار آخيرده
آتالار صحبتيدي قان كي قالانمازيئرده
سن اوره ك وئردين آياز يازدي اوره ك سوزلريني
اودا بير گو ن يوماجاق گوزلريني
اونون آدي يازيلار سنله قالار
سن اونا آرخا دورارسان اوجا لار
حسن رحماني -پائيز 89
1- تفريح مكاني
2-ايپك جاداسي-جاده ابريشم
3- عومود و پناه يئري
4-رنگين كمان